Ongi úrslit

Johild Túgvustein 20 ár í starvi

Fyrrapartin í dag varð skipað fyri hátíðarløtu í Barnagarðinum á Svangaskarði, nú Johild Túgvustein, námfrøðiligur atstøðingur, hevur verið í starvi hjá Nes kommunu í 20 ár

Sigurjón Einarsson
7. desember 2021 kl. 17:02

Johild byrjaði í starvi sum dagrøktari í Nes kommunu í 1998.

Nes kommuna skrivar á heimasíðu sínari, at hon røkti ábyrgdarfult og trúliga hetta starv til 2014, tá ið hon fór at nema sær víðari útbúgivng innan námsfrøðiliga yrkið.

Í 2016 varð Johild Túgvustein sett sum námsfrøðilgur atstøðingur í Barnagarðinum á Svangaskarði.

- Við sínum drúgvu royndum og fakligu barlast hevur Johild Túgvustein verið ein fongur fyri Barnagarðin á Svangaskarði, segði Súni í Hjøllum, borgarstjóri, fyrrapartin í dag, tá ið hann, vegna bygdaráðið í Nes kommunu, takkaði henni fyri trúgva og drúgva tænastu.

- Tað hevur alstóran týdning fyri kommununa at hava dugnalig og trúføst starvsfólk, segði borgarstjórin.

Síðani handaði borgarstjórin Johild Túgvusteini gávu og blómur og ynskti hann henni framhaldandi blíðan byr.

Kelda: Nes kommuna

Mest lisið hesa vikuna

Arbeiðsvanlukka kravt eitt mannalív

9. juli kl. 18:25

Samtalur, bindiklubbar og spontanar kaffimunnar gerast ein slags festivalur

9. juli kl. 16:46

Koyrikortið hjá bussførara er í vanda

10. juli kl. 09:30

Stjól fyri 1.000 krónur úr einum handli

10. juli kl. 08:45

Sluppu væl frá einum sermerktum ferðsluóhappi

12 tímar síðan

Epstein var ikki dripin í klivanum

8. juli kl. 19:41