Líka síðan barndómsárini hevur listin verið partur av hansara DNA. Pápin er kendur sum ein framúr portrettmálari, og við kendum listarfólkum sum Hans Jákup Glerfoss og Rannvá Kunoy í nærmastu familju, er Jógvan bókstaviliga uppvaksin mitt í listini.

Jógvan hevur málað og teknað síðan hann var heilt ungur. Og hann hevur altíð hildið fast við listina, hóast leiðslustarv og eina akademiska bakgrund innan KT og filmsvísindi.

Í 2019 tók Jógvan aftur pensilin fram, og síðani tá hava hansara framsýningar verið væl eydnaðar, har listaverkini selja sum heit breyð.

Eitt afturvendandi tema í listini hjá Jógvani er menniskjað, og sambandið millum menniskju, sum verður lýst í abstraktum og hugvekjandi myndum.

Støkk inn á gólvið við Havnará og uppliv heimin gjøgnum eyguni og pensilin hjá Jógvani K. Glerfoss.

Guðrið Hansdóttur kemur at singja og spæla.

Framsýningin hevur opið soleiðis:

Ólavsøkuaftan, kl. 15 – 19

Ólavsøkudag, kl. 14 – 19

30. juli til 3. august kl. 16-18