Fyrireikingarnar til hondbóltslandsdystin í kvøld gjørdust heilt serligar, tá tað gjørdist greitt, at annar av dómarunum úr Litava hevði fingið staðfest koronu. Hetta veit Kringvarp Føroya at siga. Dómararnir komu til Føroya í gjárkvøldið.

Evropeiska hondbóltssambandið hevur síðani tikið avgerð um, at føroyska dómaraparið Jógvan Skeel Nolsøe og Bárður Brimsvík skulu døma EM-undankappingardystin millum Føroyar og Kekkia. Kekkar hava góðtikið føroysku dómararnar, tí tey vilja hava dystin avgreiddan, og Evropeiska hondbóltssambandið hevur heldur ikki aðrar møguleikar at vísa á í løtuni, tí tað er ikki pláss í altjóða kalendaranum at útseta dystin, segði Ári Rouch frá Hondbóltssambandinum við Kringvarpið í dag.

Landsdysturin verður sostatt spældur í Høllini á Hálsi klokkan 19.45 við føroyskum dómarum.