Bretskir miðlar skrivaðu í gjárkvøldið, at ein 31-ára gamal leikari í ensku Premier League, sum eisini eigur ein stóran leiklut fyri sítt landslið, varð handtikin fríggjadagin. Bretsku miðlarnir nevndu tó ikki mannin við navni vegna løgfrøðiligar orsøkir.
Seinni kom ein fráboðan frá Everton, har felagið segði, at ein leikari hjá teimum fyribils er loystur úr sáttmálanum, meðan løgreglan kannar málið.
Íslendskir miðlar skriva nú, at tað var íslendski landsliðsleikarin Gylfi Þór Sigurðsson, sum varð handtikin fríggjadagin, tí hann er undir illgruna fyri misbrot móti barni. Íslendski miðilin mbl.is sigur seg hava keldur, ið vátta hetta. Íslendska kringvarpið, RÚV, veit frá sínum keldum, at íslendska fótbóltssambandið skal á fund seinni í dag um málið
Hvørki bretska løgreglan ella Everton hava váttað, at viðkomandi leikaran, sum varð handtikin fríggjadagin, er Gylfi Þór Sigurðsson.
Løgreglan í Stór-Manchester sigur, at viðkomandi leikarin er leyslatin aftur móti veðhaldi, men skal vera tøkur til avhoyringar.
.png){kind=logo}
