Vit høvdu nakrir avbera deiligir sóldagar í eina heila viku út í eitt. Onkur vildi vera við at eingir búffar vóru eftir í handlunum, tí nærum hvør føroyingur grillaði hesar dagarnir.
Nú er søgan ein heilt onnur, vit hava regn, vind, og so aftur regn. Aftaná so flottar sóldagar, gerst man í eitt sindur ringum lag, tá vit so fáa tað vanliga føroyska veðrið aftur.
Men hyggur man eitt sindur ljósari uppá tað, so brúkar SEV nú nógv meira grøna orku til at framleiða okkara el, enn 21. mai, tá dimma.fo seinast kannaði málið.
Í skrivandi stund er tað vind-orkan sum stendur fyri meirilutanum av framleiðsluni, nevnliga 67% upp ímótir oljuni, sum bert telur 13,2%. Tað er ein stór kontrast frá sóldøgunum, har oljan stóð fyri nærum allari elframleiðslu í landinum.
Í síðsta enda ger hettar at vit gjalda minni til SEV. Tær spærdu krónirnar koma væl við, næstu ferð vit fáa summarveður og skullu grilla aftur.
sí nærri SEV í dag
