Mojtaba Khamenei, nýggji leiðarin í Iran, sum aldrin enn hevur víst seg alment, sendi í gjár út eina fráboðan um, at amerikanarar hoyra heima á botninum í Persaflógvanum.

Tað siga fleiri almennir miðlar í Iran, sambært Sky News.

Meira neyvt sigur Khamenei, at einasta stað hjá amerikanarum í Persaraflógvanum er á botninum av sjónum.

Á X skrivar hann eisini, at ein nýggjur kapittul fyri Flógvan og Hormuz-sundið hevur tikið seg upp, síðani kríggið millum Iran móti USA og Ísrael brast á tann 28. februar.

Fráboðanir hava áður verið um, at nýggi leiðarin, sum er sonur tann undanfarna, er álvarsliga skaddur. Hesum hevur Iran tó víst aftur.