Hetta seinasta samdøgurið hevur verið stak friðarligt hjá løgregluni.

Tey siga, at nakað út á fyrrapartin í gjár, steðgaðu tey einum bili í Eysturoynni, og tá ið tey tosaðu við bilføraran, fingu tey illgruna um, at hann var ikki heilt edrúur.

Sostatt varð hann biðin um at blása, og tá ið alkometrið sló út, varð hann skuldsettur fyri at koyra ávirkaður, og blóðroynd varð tikin av honum. So verður úrslitið av henni avgerandi fyri, hvussu málið verður avgreitt.

Annars hevur tað verið steindeytt í allan gjár – og eisini í alla nátt, sigur løgreglan.