Eftir at hava samskift sínamillum, eru londini í bólki 4 til HM2023-undankappingina komin ásamt um, at spæla undandystirnar yvir vikuskiftið 14. – 16. januar í Føroyum.
Londini í bólkinum eru Lettland, Italia, Luksemborg og Føroyar. Sostatt verða tveir dystir fríggja, tveir leygar- og tveir sunnudagin í Høllini á Hálsi.
Vegurin til HM er langur. Tvey lið koma víðari úr bólkinum, har tveir play-off dystir bíða móti hægri styrkismettum liðið, har vinnarin yvir tveir dystir aftur spælir móti hægri styrkismettum liðið yvir tveir dystir, har vinnarin síðani sleppur til HM.
Yvirlit yvir bólkaspælið:
Bólkur 1: Belgia, Turkaland, Grikkaland, Kosovo
Bólkur 2: Finnland, Estland, Georgia, Stóra Bretland
Bólkur 3: Rumenia, Ísrael, Kýpros, Moldova
Bólkur 4: Lettland, Italia, Luksemborg, Føroyar
Kelda: Hondbóltssamband Føroya
.png){kind=logo}
