Í dag byrjar HM hjá U18-kvinnum í hondbólti í Norðurmakedonia. Kappast verður fram til 10. august, tá finalan verður, og heimsmeistararnir skulu finnast.
Fyrsti dystur hjá føroyska liðnum eru móti Portugal klokkan 12.30 í dag. Fólk stødd í Føroyum kunnu stroyma allar dystirnar á youtube-síðuni hjá IHF:
IHF – YouTube
Og hevur tú hug at fylgja við kappingini á ymsum miðlapallum, kanst tú gera tað her:
IHF | News
Føroysku U18-kvinnurnar endaðu í einum sterkum bólki, har tær komandi dagarnar møta Danmark, Portugal og Eysturríki. Til U17 EM í fjør gjørdist Danmark nummar 4, Portugal nummar 10 og Eysturríki nummar 14.
Teir 16 leikararnir, sum venjararnir Simon Olsen og Christoffur Gert Nielsen hava við sær til HM-endaspælið, eru hesir:
Málverjar:
Silja Arngrímsdóttir Müller, Neistin
Simona Michelsen Kass, H71
Vinstri vengur:
Lea Mohr, Neistin
Silja Heðinsdóttir, Neistin
Høgri vengur:
Inga Maria Roysdóttir, H71
Karin Egholm, H71
Strikur:
Barbara Hammer, Kyndil
Sára Sigrunardóttir Mikkelsen, Neistin
Karina Debes Heinesen, H71
Bakspælarar:
Hanna Jakobsdóttir Dalsgarð, H71
Anna Sigrunardóttir Mikkelsen, Neistin
Lukka Arge, H71
Anna Elisabeth Halsdóttir Weyhe, H71
Maria Pálsdóttir Nólsoy, Neistin
Inga Maria Joensen, H71
Bjørk Franksdóttir Joensen, Neistin
Mynd: Hondbóltssamband Føroya
