Hitt á Glyvrum skrivar á Facebook:
-Leygardagin 18. apríl letur tiltakið Hitt á Glyvrum dyrnar upp til 18 stovukonsertir í Glyvrum. Hugnaligar og heimligar stovur verða karmar um inniligar tónleikaupplivingar og hugnaligt túnatos í eygnahædd.
Tiltakið samlar bæði tónleikarar og grannar í einum felagsskapi, har fokus er á nærveru og livandi tónleik. Ymiskir vertir bjóða bæði nýggjum og gomlum tónleikabólkum og einstaklingum at framføra í heimligum umhvørvi.
18 stovukonsertir og breið skrá
Í alt verða 18 konsertir í ymiskum húsum. Millum nøvnini á skránni eru Kári P., Lena & Niclas, Marius, Jazzygold, Edmund, Elin B. Heinesen og fleiri.
Umframt stovukonsertir verður eisini skipað fyri tiltøkum í einum tjaldi á felagsøkinum. Har er møguligt at keypa mat og drekka alt kvøldið, og tónleikur verður framførdur av Jens Marna Hansen á midnátt.
Grannalagið klárt til stóra kvøldið
Fyrireikingarnar í grannalagnum hava verið í gongd allan hósdagin. Fólk hava riggað til, reist tjald, hongt ljós upp og gjørt gøtur og tún klár til tiltakið.
Atgongumerki kosta 350 krónur í forsølu, sum endar í dag kl. 15. Við dyrnar kosta atgongumerki 450 krónur.
Armbond verða útflýggjað leygardagin frá klokkan 18.30. Tiltakið heldur fram til klokkan 04.00.
Sí skrá á Facebook
