Higartil í vetur hevur tað verið óvanliga lýtt. So mikið lýtt, at lítil munur hevur verið á summarinum og vetrinum higartil - hvat hitastigum viðvíkur.

Men sum vit hava skrivað í áðni, verður nógvur vindur í morgin av norði, og tað verður kaldari.

Og hetta verður kanska byrjanin til veturin á hesum sinni.

Í hvussu so er siga tey á Veðurstøðini nevniliga, at hesar næstu dagarnar - og so langt veðurforsagnirnar røkka, verður hann norðan í ættini, og kalt.

Nýggjársdag og fríggjadagin, verður heilt fitt av vindi norðan eftir, men so minkr hann nakað.

Tað longsta, onkur av forsagnunum røkka, eru 14 dagar fram og tað er sama myndin, nevniliga at hann verður liggjandi við høgætt við nakað av vindi, og kalt.