Hagstovan hevur gjørt ein roknara, sum vísir, hvussu leingi, fólk í ymsum aldri kunnu vænta at liva afturat.
Hetta er tað tey kalla »væntaður livialdur« og tað er eitt mát fyri, hvussu leingi ein aldursbólkur í miðal hevur eftir at liva - um einki annars broytist og alt verður verandi sum tað er.
Tað er sostatt ikki ein meting av, hvussu leingi fólk, í roynd og veru, fara at liva, tí har kann sjúka, og alt møguligt annað, koma upp í.
Eitt úrslit, sum tað er vert at leggja merki til, at tey, sum longu eru vaksin, kunnu vænta at liva eitt sindur longri enn tey, sum verða fødd nú.
Orsøkin er, at tá ið fólk eru vaksin eru tey komin ígjøgnum teir vandarnar, sum børn og ung kunn vera í.
Trýst á leinki niðanfyri og set tín aldur inn, so sært tú, hvussu leingi tú kann vænta at liva afturat - um einki annað hendur.
