Tað er nú greitt, ar tað verður Peter Tulinius Krarup, sum verður nýggi stjórin í Norðurlandahúsin í Føroyum.

Gunn Hernes leggur frá sær eftir átta ár í starvinum og nú tekur so Peter Tulinius Krarup við. Hann er av danskari og norskari ætt og hevur drúgvar royndur í altjóða mentanararbeiði.

Hann er føddur í Haslev í Danmark í 1970 og hevur arbeitt í danmark, Noregi, Onglandi og í Týsklandi og umframt at hava drúgvar royndir í norður-evropiskum mentanarlívi, hevur hann eisini fingið gott samband við nógv fólk.

Síðani 2019 hevur hann verið stjóri í Mentanarhúsinum í Harstad í Norðurnoregi, har hann hevur havt ábyrgdina av trimum mentanarstovnum í økinum, og 40 starvsfólkum.

Hann hevur útbúgving í evropiskum mentanarpolitikki, umsiting og tónleikavísindum, og hevur drúgvar royndur at arbeiða við orkestrum, festivalum og mentanarstovnum, sigur norðurlendska ráðharraráðið, sum hevur sett hann í starvið.