Hendingin hjá gjaldsfelagnum Nets, sum í gjár elvdi til stórar trupulleikar við kortgjaldingum í Danmark og restini av Útnorði, stavar ikki frá einum "illviljaðum álopi uttanífrá".

Hetta skrivar Nets í tíðindaskrivi.

Nets útilokar sostatt eisini eitt sonevnt DDoS álop, men enn verður orsøkin til streymslitið kannað, stendur í fráboðanini.

- Vit harmast um tann ómakin, hetta hevur elvt til fyri bæði vinnufyritøkur og korthavarar, og vit arbeiða framvegis fyri at tryggja støðugan rakstur.

Vit fara at umhugsa fleiri viðkomandi tiltøk út frá hendingini, tá okkara greining er liðug, sigur Allan Bonke, landsleiðari hjá Nets í Danmark.