Samuel Johansen Chukwudi (mynd: HB)
HB hevur selt Samuel til Finlands
Ungi miðverjin hevur skrivað undir sáttmála við finska felagið SJK Seinäjoki
Fríðmundur Nattestad
6. januar 2025 kl. 09:10
Søgur hava verið um tað í eina tíð, og í morgun váttar HB á Facebook, at felagið hevur selt Samuel Johansen Chukwudi til SJK Seinäjoki, sum spælir í bestu finsku deildini. Fíggjarligu viðurskiftini eru ikki almannakunngjørd.
- Vit ynskja Samuel alt tað besta í framtíðini, og eru eisini errin av, at vit enn einaferð senda ein av okkara ungu leikarum víðari út í heim, skrivar HB.
Samuel Johansen Chukwudi spældi 23 dystir í Betri Deildini fyri HB í farna kappingarári.
