Amerikanski herurin skeyt týsdagin niður eina iranska dronu, sum nærkaðist amerikanska hangarskipinum Abraham Lincoln í Arabiska havinum.

Tað sigur ein amerikanskur embætismaður við Reuters.

Talan var um eina Shahed-139 dronu, sum var skotin niður av einum amerikanskum F-35 flogfari.

Ábraham Lincoln stevndi móti Iran í januar.

Donald Trump, forseti, hevði áður hótt Iran við hernaðarligum tiltøkum, iransk ​​sivilfólk vóru dripin, undir mótmælisgongum móti iranska prestastýrinum.

Trump hevur síðani tikið sínar hóttanir aftur og hótti í staðin við álopum, um landið ikki tekur undir við at samráðast um kjarnorkuavtalu.

Arabiska havið, har dronan var skotin niður, liggur millum Arabisku hálvoynna og India.