Tað fer at taka langa tíð, áðrenn skipaferðslan í Hormuzsundinum aftur kemur á sama støði, sum hon var undan krígnum.

Tað metir greinarin Lars Jensen, sum áður starvaðist hjá Mærsk, við BBC.

- Einki er veruliga broytt enn, sigur hann og leggur afturat, at tað fer at ganga ein rùm tíð, áðrenn álitið verður bygt uppaftur.

Hann væntar, at nógv skip fara at sleppa sær av økinum komandi dagarnar, men bara nøkur fá skip fara at sigla inn aftur. Hettar tí vandi er fyri at verða fangaður í sundinum, um vápnahvíldin bráðliga brestur.

Franski forsetin, Emmanuel Macron, sigur sambært Reuters, at í løtuni verður arbeitt við at fáa í lag eina trygga farleið hjá skipum, sum bíða eftir at sleppa gjøgnum sundið. Umleið 15 lond luttaka í planleggingini.