Í gjár hendu ikki færri enn fýra ferðsluójapp runt umkring í landinum.
Á Tvøroyri bóru tveir bilar saman tá ið ein bilførari skuldi halda av fyri einum mótkoyrandi bili á einum smølum vegastrekki, men har var ikki nevnivert at skaða.
Á Sandi koyrdi ein bilur út av í gjárkvøldið, men har hevur løgreglan illgruna um, at bilførarin var ikki edrúur, so hann er skuldsettur fyri rúsdrekkakkoyring og blóðroynd er tikin av honum. Úrslitið av henni verður so avgerandi fyri, hvussu málið verður avgreitt.
Í Norðdepli koyrdi ein unglingi á prutli út fyri ein bil, sum hevði grønt ljós á krossvegnum har. Løgreglan sigur, at har var eingin fólkaskaði, bara nakað av skrokkskaða. Men unglingurin á prutli var ov ungur til at hava koyrikort, so tann vaksni, sum hevur latið hann sleppa at koyra prutl, fær bót fyri tað. Og av tí, at viðkomandi er undir 18 ár, verður barnaverndin eisini kunnað um óphappið.
Í høvuðstaðarøkinum hendi eitt álvarsligt óhapp tá ið ein smádrongur á súkklu kom út fyri ein bil. Súkklan endaði undir bilinum, men lukkutíð endaði drongurin á hjelminum. Løgreglan sigur, at drongurin fekk skaðar í óhappinum og varð førdur á Landssjúkrahúsið, har hann varð innlagdur - men løgreglan sigur, at tað tey vita, var talan ikki um lívsóttandi skaða.
