Franska stjórnin forðar nú fyri atgongd til kinesiska handilspallin Shein.

Hetta hendir, eftir at eitt franskt brúkararáð rópti varskó um vikuskiftið, tí at kynsdukkur, sum avmyndaðu børn, vórðu funnar á hesum pallinum. Hettar skrivar BBC.

Kinesiskir nethandlar sum AliExpress, Temu og Shein eru síðan allir kannaðir í Fraklandi.

Hetta hendi bert fáar tímar eftir, at fjøldin av keyparum – og mótmælisfólkum – møttu upp til upplatingina av fyrsta handlinum hjá asiatiska e-handilsrisanum í París.

Franski brúkaravaktarhundurin sigur, at lýsingar av slíkum vørum á heimasíðuni hjá Shein gera tað trupult at ivast í, um innihaldið er barnapornografiskt.

Franska dagblaðið Le Parisien sigur, at umrødda vøra – ein 80 sentimetrar høg dukka, sum heldur eini bamsu – fylgdi við eini beinleiðis kynsligari lýsing á heimasíðuni hjá Shein.