Til hetta valið hava fleiri valevni - serliga úr Fólkaflokkinum og Miðflokkinum - lovað at rulla nýliga samtyktu fosturtøkulógina aftur.

Nýggja fosturtøkulógin tryggjar kvinnum ein ræðisrætt og avgerðarrætt yvir egnum kroppi og lívi. Nú er hendan lógin í álvarsligum vanda.

Fólkaflokkurin, sum fer á val uppá at geva valdið til fólkið, valdið yvir hvussu títt lív og tín framtíð skal síggja út og spyr veljaran hvørt tað er politikarin ella tú sjálvur sum veit best, stóð sum ein maður og atkvøddi móti fosturtøkulógina, tá ið hon fór til atkvøðugreiðslu í 2025.

Nú hava fleiri valevni lovað at strika lógina, um tey sleppa framat.

Tí er tað týdningarmikið at veljarin fær greitt at vita, hvørt flokkurin, sum stendur at vinna valið, fer at rulla lógina aftur ella ikki.

Framsókn hevur ein politikk, sum sigur at kvinnan skal hava ein rætt til sjálv at gera av innan 12. viku. Bara Framsókn og Miðflokkurin hava tikið støðu til spurningin sum flokkar - við øllum hinum flokkunum veist tú tíverri ikki, hvat tú fært.

Tí má veljarin hava hetta í huga, tá ið hann setir krossin. Tí tað kann fáa avgerðandi týdning fyri sjálvsavgerðarrættin hjá kvinnum í Føroyum.

Bjarni Kárason Petersen
valevni fyri Framsókn