Atgongumerkini fyri 2020 eru galdindi fyri 2021. Um so er, at ikki ber til at luttaka, so ber til at fáa peningin aftur.
Tað er leygardagin 4. september, at runnið ella gingið verður úr Gásadali til Sandavágskirkju og í gjøgnum allar bygdirnar í Vágum.
Sum vanligt ber til at keypa sær eina G&G rennitroyggju sum eitt minni um dagin.
Seinasta ár varð Føroya vakrasta hálvmaraton gjørt um til #míttvakrasta tykisrenning orsaka av koronu, hóast tað eydnaðist at lata 33.000 krónur til Krabbameinsfelagið. Berin fekk eisini stuðul frá tiltakinum.
Eins og undanfarin ár fara 100 krónur av luttøkugjaldinum til Krabbameinsfelagið.
26. juli á midnátt fer luttøkugjaldið upp, og tá er eisini seinasta freist at keypa sær #FVHM rennitroyggjuna frá G&G. Tað er avmarkað nøgd av rennitroyggjum og legg til merkis, at støddinar eru unisex.
Umleið 500 fólk eru tilmeldað, men rúm eru fyri 500 fólkum afturat.
Tað er felagið fyri frælsan ítrótt í Vágum, Frælsi, ið skipar fyri tiltakinum við dyggum stuðli frá vágafólki og sjálvbodnum felagsskapum, sum loysa eina ørgrynnu av uppgávum í sambandi við tiltakið - umframt, at kommunurnar í Vágum stuðla við at seta fløgg upp og líknandi.
Til ber at tekna seg til #FVHM her:
.png){kind=logo}
