Í einum hyli, umleið 20 metrar frá sjóvarmálanum, lá ein lutur sum systrarnar vildu kanna nærri.

Tær skiltu ikki beinanvegin hvat tað var, tí tær sóu bara eina grøna fløsku við onkrum hvítum, sigur mamma teirra, Toril Svarva við Steinkjer24.no

Men so sóu tær at tað var ein fløskupostur sum genturnar høvdu funnið. Fløskan var skolað í land av stórari aldu og enda í hylinum.

Soleiðis byrjaði detektivarbeiðið hjá systrunum, at finna útav hvaðani hesin spennandi postur kom frá.

Rættiliga nógv vatn var komið í fløskuna, og tá tær varliga prikaðu brævið úr fløskuni, máttu tær brúka pinsett at slætta váta papírið út, so tað ikki skrædnaði.

Tá tey at enda kundi lesa tað sum stóð har, vísti tað seg, at boðini á fløsku komu heilt úr Klaksvík í Føroyum – heilar 885 kilometrar burturi frá Beitstad í Trøndelag, har tær báðar búgva.