Sjónleikarinnan Dame Patricia Routledge, sum er best kend fyri sjónvarpssendingina Fínt skal tað vera, er deyð 96 ára gomul, upplýsir umboðsmaður hennara.

- Vit eru sera harmfull um at staðfesta, at Dame Patricia Routledge, sum í morgun doyði friðarliga í svøvni umgyrd av kærleika, sigur umboðsmaður hennara í eini fráboðan.

Dame Patricia spældi tann illgitna snobbuta Hyacinth hjá BBC millum 1990 og 1995, sum fekk heili 13 milliónir hyggjarar.

Hon fekk tvær BAFTA tilnevningar fyri leiklutin í 1992 og 1993.

Sjónleikarinnan varð heiðrað á Buckingham Palace í 2017, og varð gjørd til Dame Commander í bretska ríkinum fyri sínar tænastur til sjónleikarhúsið og vælgerðarstovnar.