Síðani skúlarnir byrjaðu aftur eftir summarferiuna, hevur løgreglan fleiri ferðir verið við skúlar kring landið at kanna ferðsluna um tað mundi um morgunin, tá ið farið verður í skúla.

Í hesum sambandi hyggja tey eftir um fólk koyra hampiliga, um børn sita ú trygdarbelti, og um tey smáu eisini sita á barnasetri. Og tey kanna eisini um børnini sita við taskuni á rygginum, tí so hava tey onga nakkastúttu, skuldi eitt óhapp hent.

Løgreglan sigur, at støðan hevur verið heilt góð og fleiri ferðir hevur einki verið at viðmerkja.

Men tað var tað í gjáramorginin, tá ið løgreglan kannaði ferðsluna við skúlan á Toftum.

Løgreglan sigur, at har fingu tveir bilførarar bót, og klipp í koyrikortið fyri at hava børn í biliunm, uttan at tey sótu í trygdarbelti.