Fimm tilburðir í gjár

Í gjár vórðu fimm nýggir smittutilburðir staðfestir. Tað vísa nýggjastu tølini hjá landslæknanum.

Tað skrivar corona.fo.

Eitt fólk fekk staðfest smittuna við komu til Føroyar, eitt fólk við kanning á triðja degnum og eitt fólk við kanning á fjórða degnum eftir komu. Hini tvey eru smittað í Føroyum, og her er smittukeldan ókend.

Í løtuni eru 81 fólk smittað við koronu, meðan 232 fólk sita í sóttarhaldi. Eitt fólk er innlagt til sjúkraviðgerð fyri koronu.