Nú er tað greitt, hvørji tey átta eru, sum mikudagin 29. apríl fara at spæla fjórðingsfinalur í kappingini um løgmanssteypið.
Í fjórðingsfinaluni er talan bara um ein dyst, meðan tað í hálvfinalunum verður spælt bæði á heimavølli og útivølli.
Í landskappingini er NSÍ topplið, KÍ er næstfremst, og HB er á triðja plássi, og so eru tað B36, AB og Víkingur. Í kvøld varð tað greitt, at øll hesi burtursæð frá AB fara at spæla fjórðingsfinalu.
NSÍ vann í kvøld 7-1 á útivølli ímóti EB/Streymi. Hesi hittast mánakvøldið aftur. Tað verður í landskappingardysti í Runavík.
Í fjórðingsfinaluni verður NSÍ stórfavorittur, hóast tað verður á útivølli ímóti 07 Vestur, sum er á áttanda plássi í landskappingini. 07 Vestur vann í kvøld tepran 1-0 heimasigur ímóti Skála.
Hóast KÍ í fjórðingsfinaluni verður á útivølli, so vera klaksvíkingar stórfavorittar ímóti B68, sum í landskappingini er undir niðurflytingarstrikuni.
Víkingur vann í kvøld 5-1 á heimavølli ímóti AB. Sunnudagin hittust somu lið á sama vølli, og tá vann Víkingur 4-0. Í fjórðingsfinaluni verður Víkingur stórfavorittur ímóti FC Hoyvík, sum er einasta luttakari í fjórðingsfinaluni, sum ikki er í Meistaradeildini.
Stóri spenningurin í fjórðingsfinalunum verður í Gundadali, har HB og B36 bresta saman.
Hálvfinalurnar vera 13. mai og 14. juni.
Finalan í kappingini um løgmanssteypið og harvið dysturin um atgongumerki at vera við í Europa á sumri 2027 verður leygardagin 5. september.
Í kvøld
Víkingur – AB 5-1 (2-1)
1-0: Sølvi Vatnhamar br 5.
2-0: Jørgen Nielsen 23.
2-1: Ragnar Skála 44.
3-1: Jákup Johansen 49.
4-1: Sølvi Vatnhamar br 79.
5-1: Filip Djordjevic 81.
EB/Streymur – NSÍ 1-7 (0-4)
0-1: sjálvmál 1.
0-2: Alex Freyr Elisson 2.
0-3: Klæmint A. Olsen 31.
0-4: Aron Knudsen 45.
0-5: Klæmint A. Olsen 49.
0-6: Markus Klein Danielsen 74.
1-6: Meinhard Debes Geyti 77.
1-7: Michal Przybylski 86.
07 Vestur – Skála 1-0 (1-0)
1-0: Oliver Klementsen Brendstrup Bødker 21.
Fjórðingsfinalur
29. apríl
Víkingur – FC Hoyvík
B68 – KÍ
07 Vestur – NSÍ
HB – B36
