22 ára gamli Elias Ellefsen á Skipagøtu skiftir til danska stórfelagið GOG.

Tað avdúkar danska HBOLD.dk sambært in.fo.

Stjørnuspælarin á føroyska landsliðnum skal avloysa profilin Tobias Grøndahl, ið skiftir til Füchse Berlin, sum í dag vann týska meistaraheitið .

Elias Ellefsen á Skipagøtu hevur leikt við Kiel síðan á sumri 2023, men hevur havt trupult við at bróta seg ígjøgnum í Bundesliguni.

GOG fer sostatt at hava tveir føroyingar á liðnum, tí systkinabarnið hjá Eliasi, Óli Mittún, hevur longu gjørt sáttmála við GOG, eftir at hava skift frá svenska IK Sävehof.