Í gjárkvøldið varð ringt til løgregluna at boða frá, at eldur var komin í ein bil, sum var á veg úr Gøtu og skuldi inn í Leirvíkstunnilin. Bilurin, sum var gamal, var akkurát á veg inn í tunnilin, tá ið eldur kom í, men fólkini í honum sluppu út í øllum góðum.

Løgreglan sigur, at tað elvdi til royk í tunlinun, so hann mátti steingjast.

Eldurin varð sløktur, men tá var so nógvur roykur í tunlinum, at tey máttu fáa blásarar frá sløkkiliðnum í Klaksvík fyri at reinsa luftina.

Løgreglan sigur, at tilsamans var tunnilin stongdur í hálvan annan tíma, áðrenn tað var koyrandi aftur - men tá stóðu nógvir bilar uttan fyri og bíðaðu.