Kringvarpið boðaði frá í útvarpstíðindunum í gjár, at eingin fótbóltshøll verður bygd, hvørki í ár ella næsta ár. Heidi Lava Elgeirsdóttir, forkvinna í mentamálanevndini segði millum annað við Kvf:
- Pengar eru ikki til fótbóltshøll í løtuni.
Kommunan tók ikki av møguleikanum at søkja fótbóltssambandið um fíggjarligan stuðul at byggja fótbóltshøll, sum millum annað Eysturkommuna og tvær aðrar kommunur gjørdu fyrr í ár.
Hon mælir til samstarv millum meiriluta og minniluta í býráðnum at fara undir at fyrireika fótbóltshøll.
