Um middagsleitið í gjár, var ein motorsúkkla tikin í Vágatunlinum fyri at koyra 102,5 km/t. Førarin fekk eitt klipp í koyrikortið.

Stutt eftir var aftur ein motorsúkkla, sum fekk klipp fyri ov nógva ferð. Hettar hendi millum EFFO og rundkoyringina Frammi í Dali í Kollafirði. Har bleiv ferðin somuleiðis máld til 102 km/t.

Í Klaksvík var ein bilførari sum fekk klipp og bót fyri at koyra 57 km/t á einum strekki, har bert er loyvi at koyra 30 km/t.

Ein RIB-bátur boðaði frá, at hann var uppsteðgaður út fyri Trælanípuna, tí hann var farin at taka sjógv inn. Hettar elvdi til at motorurin gav upp.

Rescue Sverri hjá MRCC kom á staðið, tók trý fólk úr bátinum og lensaði sjógvin úr aftur.