Tað verður als ikki lætt at finna bíligar flogferðir í Evropa í løtuni. Prísirnir hava tikið seg upp, og tað sæst týðiliga, um ein hyggur eftir flogferðum og ymiskum heimasíðum.
Sambært einum nýggjum yvirliti frá Flyprisindex eru prísirnir á ferðaseðlum hægri enn miðaltalið fyri 2024. Felagið hevur serliga kannað fyrstu heilu vikuna í august – viku 32, sum byrjar mánadagin 4. august – og har bendir alt á ein greiðan prísvøkstur.
Sambært danska TV2 verður eisini víst á, at hækkingin í flogferðaprísum ikki bert sæst úr Føroyum, men eisini úr grannalondunum, tildømis í týskum flogvallum – eitt nú í Hamborg.
Men prísmunurin er mest eyðsýndur í Danmark, har allar tríggjar høvuðsflogvallirnar hava beinleiðis sambond við Føroyar. Har vísir nýggja kanningin, at prísirnir hava hækkað nógv samanborið við í fjør:
Í Aalborg er vøksturin á 12 prosent.
Í Keypmannahavn er talan um ein prísvøkstur upp á 30 prosent.
Og úr Billund eru ferðaseðlarnir nú heilt upp í 63 prosent dýrari enn í fjør.
Hetta merkir, at ferðandi úr Føroyum – ella til Føroya – noyðast at rokna við munandi hægri útreiðslum, serliga um tú ætlar tær út at ferðast í summarfrítíðini.
