-Hjartað er tungt og tankarnir eru gráir, skrivar Mary drotning millum annað, í sambandi við deyða pápans.

John Donaldson sum gjørdist 84 ára gamal, hevur sambært Kongshúsinum, verið týðiliga ávirkaður av sínum høga aldri í langa tíð.

John Donaldson búði í Danmark í nøkur ár, har hann starvaðist sum professari.

-Elskaði pápi mín er deyður. Men eg veit, at tá sorgin minkar, fara minnini at lýsa, og tað, sum sterkast verður eftir, er kærleikin og takksemi fyri alt, sum hann gav mær og lærdi meg, stendur víðari í skrivinum.

Tað eydnaðist drotningini at síggja pápa sín fyrr í ár, tá kongshjúnini vóru í Avstralia í mars.

Mynd: Kongehuset

Í sambandi við, at John Donaldson er deyður, upplýsir Kongshúsið eisini, at í eitt tíðarskeið verður møguligt at senda persónlig samkensluboð til Mary drotning, umvegis teirra heimasíðu