Nógv av okkum hava longu fingið fyrra prikið ella eru liðug koppsett.

Hetta er tó ikki galdandi fyri kvinnur, sum bera barn undir belti, ella kvinnur, ið geva bróst, sum inntil víðari ikki hava havt møguleikan at verða koppsett vegna væntandi hagtøl.

Men í dag sigur danska heilsustýrið, at hesin bólkur gott kann bíleggja sær tíð til at verða koppsett, tí heilsustýrið sigur seg nú hava fingið nóg mikið av vísindaligum sannroyndum, men eisini av royndum frá øðrum londum.

– Nógv lond hava eftirhondini fingið víðfevnandi royndir við koppsetan av kvinnum, sum bera barn undir belti, og kvinnum, ið geva bróst, við mRNA-koppingarevnum frá Pfizer-BioNtech og Moderna. Hesi lond eru millum annað Ísrael, USA, Kanada og Skotland, skrivar danska heilsustýrið í einum tíðindaskrivið, sambært DR.

Danska heilsustýrið mælir til, at kvinnur, ið bera barn undir belti, í 2. trý mánaða tíðarskeiðið (viku 13) og í 3. trý mánaða tíðarskeiðið og kvinnur, sum geva bróst, eisini verða koppsett fyri koronu.

Til ber eisini at verða koppsett í 1. trý mánaða tíðarskeiðnum, men tað skal vera eftir avtalu við ein lækna, upplýsir danska heilsustýrið.