Fyrsti dagurin á Summar Festivalinum er farin aftur um bak, og klokkan 19.00 byrjar skráin á degi tvey.

Fyrsta konsertin í kvøld verður á Torginum klokkan 19, tá ið Kalas fara at framføra.

Konsertin við høvuðsnavninum UB40 er framskundað til klokkan 20.30, tá Vágsbøur verður karmur um fleiri stór altjóða hitt.

Er tað ein bólkur, ið hoyrir til Summar Festivalin er tað Dynamit, sum bjóða til veitslu á Vágsbø klokkan 01.00.

Swardi endar dag tvey á Summar Festivalinum við einum braki klokkan 03.00.

Veðurforsagnirnar boða tíverri ikki frá góðum, og fer tað helst at regna tað mesta av kvøldinum.