Bókaummæli: Ungur debutantur spennir seg út

Í august fingu vit ein nýggjan skaldsøgurithøvund í Føroyum, tá ið Bókadeild Føroya Lærarafelags við útgávutiltaki í Margarinfabrikkini gav út ungdómsskaldsøguna Ódjór, sum Silja Aldudóttir hevur skrivað, og Bárður Dahl Christiansen hevur myndprýtt. Talan er um eina óhugnaliga økokritiska ungdómsskaldsøgu, sum gongur fyri seg í Havn, og sum í høvuðsheitum snýr seg um ódjórini, sum liva rundan um og innan í hvørjum einstøkum okkara