Summarið er farið at halla og tað merkir, at árligi Bátadagurin, hjá Bátafelagnum Naddoddi, er á skránni.

Nú leygardagin kl. 14:00 hittast bátarnir á fjørðinum og fara í samlaðum flokki, siglandi eftir fjørðinum út til Naddoddaneystið, har ein hugnaløta verður, við onkrum góðum afturvið.

Øll eru hjartaliga vælkomin í Naddoddaneystið og ALLIR BÁTAR eru hjartaliga vælkomnir at luttaka í siglingini.

Veðurforsøgnin sigur eitt lítið lot, turt, við møguleika fyri sól og einum 14 hitastigum

Væl møtt!