Leygardagin 8. og sunnudagin 9. november verður eitt spennandi vikuskifti við m.a. pop up-barberum, fyrilestrum, undirhaldi, matvogni og góðum tilboðum.

Sjóneyka verður sett á menn, trivnað, heilsu og lívsgleði.

Leygardagin frá kl. 16.00 til 20.00 verður Barber Pop-Up í Borg á Glyvrum sum partur av tiltakinum Kom og MENN’ist

-Royndi barberurin, Jógvan, og nýútbúni Barber-Kaj standa klárir við maskinuni og saksunum, boða tey frá í Borg.

Tórbjørn Jacobsen skrivar á Facebook, at hann hevur avtalað við sín hárskera, sum hann hevur havt í meiri enn 55 ár, Jógvan, at hann skal seta seg í stólin kl. 17.00.

Tá fær ein altso møguleikan at síggja hvat ein royndur barberur dugur til.

Myndin er frá ferðini, tá íð Torbjørn skuldi klippast og rakast eftir at hava spælt leiklutin Mr. Bumble í Oliver Twist leikinum í 2014.

Kom og MENN’ist – við góðum stemningi og spennandi tiltøkum, bjóðar Borg.