![](/assets/articles/GettyImages-81502754-3701526538.jpg)
![Dimma.fo Logo](https://www.dimma.fo/assets/dimmalaetting.png)
Sostatt er alheimshitamet sett.
Hetta boðar danska veðurtænastan DMI frá í dag.
Ikki einans lofthitin men eisini sjóvarhitin hevur verið methøgur kring knøttin. Tøl frá amerikonsku sjóvartænastuni NOAA vísa nevniliga, at havfløtuhitin hevur ligið methøgt í yvir eitt ár síðani mars 2023.
Frágreiðingin er ikki einans menniskjulig CO2-útlát, men at sjógvurin vestanfyri suðuramerikonsku strondina er heitari enn vanligt. Hetta fyribrigdið nevnist El Niño Southern Oscillation á enskum. La Niña er tað øvuta, har miðalhitin í sjónum við Tropiska Kyrrahavið er lægri enn vanligt.
Enn er óvist, hvørt veðurlagsbroytingar hava eina ávirkan á, hvussu leingi og ofta at tíðarbil við El Niño og La Niña koma fyri.
Somuleiðis ber ikki til at siga, hvørt tað er El Niño ella veðurlagsbroytingar, ið er høvuðsorsøk til hitan, sum upplivist nógva aðrastaðni enn í Føroyum í løtuni.