Løgreglan hevur aftur nú fingið fráboðan um eitt innbrot. Hesaferð er brotið inn hjá Borg á Hálsi í Havn.

Løgreglan sigur, at enn vita tey ikki, hvussu tjóvarnir eru komnir inn, ella um nakað er stolið, tað fara tey at kanna nú fyrrapartin.

Hesar seinastu dagarnar eru tvey onnur innbrot meldað til løgregluna, annað á Effostøðini í Kollafjarðardali og hitt var í Rúsuni á sandi. Í Rúsuni var einki stolið, men á Effostøðini vóru nakrar túsund krónur stolnar.

Løgreglan hevur ikki funnið gerningsfólkini, men tey høvdu ymsar slóðir at elta.

Men nú skulu tey eisini kanna um samanhangur er ímillum hesi trý innbrotini.