Um vikuskiftið varð tvær ferðir meldað til løgregluna, at herverk var gjørt á bilar, sum stóðu parkeraðir. Í báðum førum vóru bilarnir steinaðir so rútar brotnaðu.

Og nú hevur aftur ein bilur, um stóð parkeraður uttan fyri ein privatan bústað í Havn, verið fyri herverki og aftur hesa ferð, er bilurin steinaður.

Eingin sá herverkið, men tá ið eigarin skuldi í bilin, varnaðist hann, at ein forrúturin hevði fingið skaða.

Løgreglan veit ikki, hvør framdi herverkini um vikuskiftið og tey vita heldur ikki, hvør framdi herverkið hesa ferð, og te hava heldur ikki illgruna til nakran.