Ein 9 ára gamal drongur í Illinois var innlagdur á sjúkrahús við álvarsligum brunaskaðum, eftir at ein TikTok-trend gav honum íblástur til at seta sítt NeeDoh - eitt vælumtókt sansaleikutoy, í mikrobylgjuovnin.

Caleb Chabolla hoyrdi um gongdina við at hita skvisji-leikin frá einum vini í skúlanum, og avgjørdi at royna tað 20. januar, sigur Loyola Medicine í eini fráboðan.

Mamma hansara, Whitney Grubb segði, at hon hoyrdi eitt ræðandi skríggj, tá leikurin brast í andlitið og hendurnar á Caleb.

Hon tók sonin, hvørs eyga var bólgnað upp, á skaðastovuna útgangandi, hvaðani hann var fluttur til brunadepilin hjá Loyola Medicine í útjaðaranum av Chicago, Maywood, til víðari viðgerð og var har alla náttina.

Paula Petersen, sjúkrarøktarfrøðingur á brunadeplinum, sigur, at tað er fjórði tilburðurin av NeeDoh-relateraðum bruna, sum sjúkrahúsið hevur sæð í ár.

-Vit síggja neiligu úrslitini av TikTok-rákum alla tíðina sigur Kelly McElligott, samskipari á læknamiðstøðini í fráboðanini.