Virginia Giuffre, nokk mest kenda vitni ímóti Jeffrey Epstein og Ghislaine Maxwell. Hon sum ákærdi Jeffrey Epstein fyri kynsligan ágang og menniskjahandil, er deyð.

Familjan hjá Giuffre hevur givið út eina fráboðan, har hon staðfesti, at Virginia doyði fyri egnaru hond í gjár 25.04.

" Tað er við fullkomiliga knústum hjørtum, at vit boða frá, at Virginia andaðist í gjárkvøldið í heiminum hjá sær í Vestur-Avstralia. Hon er deyð fyri egnari hond, eftir at hava verið eitt lívslangt offur fyri kynsligum ágangi og kynsligum handli," stendur í fráboðanini.

Virginia, sum annars er fødd í USA, búði í Avstralia í nógv ár saman við manni sínum Robert, tey vóru nýliga sundurskild. Saman eiga tey trý børn.

Í mars skrivaði Giuffre eitt uppslag á Instagram har hon boðaði frá, at hon hevði fáar tímar eftir á lívi. Hon hevði tá verið í einum ferðsluóhappi sum meislaði henni nýrini.

Virginia bleiv longu sum barn útsett fyri kynsligum ágangi og hevur hon í fleiri ár verið forsprákari fyri kynsliga misnýtt offur.

Tað var tá hon helt sína nýføddu dóttur í sínum ørmun, at hon bleiv greið yvur, at henni noyddist at kempa ímóti teimun sum hava missnýtt hana, og so mong onnur.

Virginia bleiv 41 ár.