Hesi seinastu trý árini hevur inngjaldið til barsilsskipanina verið væl størri enn útgjøldini hava verið.

Hesi trý árini hevur barsilsskipanin sostatt havt 25-38 milliónir í avlopi um árið, og tilsamans hevur Barsilsgrunnurin nú slakar 85,2 milliónir á kistubotninum.

Nú fíggjarlógin er til viðgerðar, metir Landsstýrið, at sostatt er haldførið hjá Barsilsskipanini langtíðartryggjað.

Sostatt ætlar Landsstýrið - einaferð næsta vár - at leggja uppskot fyri Løgtingið um at gera enn fleiri ábøtur á Barsilsskipanina fyri at bøta um umstøðurnar hjá pinkubarna-foreldrum.

Enn er ikki greitt akkurát, hvørjar ábøtur talan er um. Men í hesum sambandið verður somuleiðis kannað um tað ikki eisini ber til lækka inngjaldið í sama viðfangi.

Í løtuni rinda løntakarar 0,86 prosent av lønini í Barsilsskipanina, og arbeiðsgevarar rinda somuleiðis 0,86 prosent av útgoldnu lønunum í skipanina.