Illfýsna veðrið hevur í dag darvað flogferðsluni til og úr Vágunum. Flogfarið hjá Atlantic Airways, ið skuldi fara til Keypmannahavnar klokkan 17.35, varð avlýst orsakað av ringum veðri.

Eisini eitt flogfar, sum skuldi koma úr Keypmannahavn seinni í kvøld, er avlýst av somu orsøk.

Hóast hálku, kava og vind hevur flogferðslan annars gingið væl fyrr í dag. Fimm flogfør eru lend, og fimm flogfør eru farin úr Vágum. Men tá veðrið versnaði út á kvøldið, varð neyðugt at avlýsa seinastu flogferðina og lendingina.

Hált er annars um landið í kvøld, og Landsverk hevur heitt á bilførarar um at koyra varliga.