Ein ógvuslig eldvanlukka hevur kravt lívið á umleið 40 fólkum og sært umleið 115 fólk á sveisiska skíðsportsbýnum Crans-Montana nýggjársaftan.

Tað boðaðu myndugleikarnir í Sveis frá á tíðindafundi í kvøld.

– Hetta er ein av ringasta sorgarleikunum, sum nakrantíð hava verið í okkara landi, segði sveisiski sambandsforsetin, Guy Parmelin.

Eldurin kyknaði umleið klokkan hálvgum eitt á barrini Le Constellation, og enn er óvist, hvat orsøkin var til hann.

Offruni skulu nú eyðmerkjast. Millum teirra eru eisini útlendingar, men tjóðskapur teirra er ikki kunngjørdur enn. Seint í kvøld boðaði franska uttanríkisráðið frá, at átta franskir ​​ríkisborgarar eru saknaðir eftir eldsbrunan.

– Uttanríkisráðið hevur samband við sveisisku myndugleikarnar við tí fyri eyga, at fáa greiðu á um danir eru við í vanlukkuni, skrivar danska uttanríkisráðið.

Myndugleikarnir í Sveis ávara um, at tað fer at taka tíð at eyðmerkja ofrini – millum annað orsakað av álvarsligum bruna.