Sum heild hevur hetta verið eitt friðarligt vikuskiftið hjá løgregluni.

Í gjár brúkti løgreglan einar fýra tímar upp á at loysa eitt mál á Vestmannavegnum har ein maður, sum var illa fyri, læsti seg inni í einum bili.

Tað varð loyst í øllum góðum, men annars hevur tað verið friðarligt.

Á miðdegi í gjár varð ein bilførari tikin í Havn fyri rúsdrekkakoyring. Blóðroynd av tikin av honum og so gongur tað málið sína gongd.

Í gjárkvøldið varð ein bilførari tikin á Sandi. Hann varð tikin tí hann hevði einki koyrikort.

Løgreglan sigur, at hetta er ikki fyrstu ferð at hann verður tikin í bili við ongum koyrikorti, so tá ið tey koyrdu seg fram á hann, kendu tey hann aftur.

Hann hevur mist koyrikortið eina ferð í tíðini, men ongantíð tikið tað aftur.

Tað er dýrt at koyra við ongum koyrikorti. Fyrstu ferð er bótin 5.000 krónur, men so hækkar honm verður sami bilførari tikin aftur.