Í morgin verður hátíðarløta í Løkshøll í sambandi við, at Tórbjørn Jacobsen týsdagin 7. oktober verður 70 ár.

70 ára føðingardagsbarnið skrivaði soleiðis á facebook mikudagin í hesi vikuni:

Komin so mikið til árs, hevði eg ikki roknað við, at hesin dagurin nakrantíð skuldi renna upp, men tað kemur tíbetur fyri, at lívið lagar seg øðrvísi enn væntað.

Álvur Danielsen, frá Bókamiðsøluni, hevur í morgun verið í Løkshøll við bókini, sum verður løgd fram sunnudagin. Tey eru mong, sum eiga eina aktiu í hesari verkætlan. Sprotamaðurin Jonhard Mikkelsen átti hugskotið, Ann Ellefsen hevur ritstjórnað, Else Sjúrðarberg tók sær av grafikkinum, Torbjørn Olsen málaði kápumyndina, Erla Berghamar rættlas og Høgni Hoydal skrivaði formælið. Teimum havi eg almikið fyri at takka.

Nevndi fyri ritstjóranum/konuni fyri løtu síðan, at tað kendist sum at eiga eitt barn, at taka ta fyrstu bókina upp í lógvarnar. Sarkastiskt svaraði hon tá, - at pínan kanska ikki var hin sama.

Bókin verður løgd fram í Løkshøll sunnudagin kl. 15, og allir stólarnir eru longu bílagdir.

ES: Álvur Danielsen og Conny Rasmussen tóku myndirnar.