Higartil hevur tað ikki gingið nakað serligt at selja bilar í Føroyum.

Ein uppgerð frá Akstovuni vísir, at í januar og februar í ár eru 66 nýggir persónbilar seldir í Føroyum. Tað eru 28 bilar færri, ella næstan 30 prosent færri bilar enn í januar og februar í fjør.

Tað eru eisini tey, sum innflyta brúktar bilar til Føroya, men heldur ikki tað hevur verið nakað at reypa av.

Higartil í ár eru 14 brúktir bilar innfluttir til Føroya og tað er ein bilur meiri enn í sama tíðarskeiði í fjør.