Støðið til undanumførini hevur verið ómetaliga høgt, og kappingin knallhørð. Vit hava bæði royndar og óroyndar bólkar við í finaluni, sum umboða alt frá punk og hip hop til modernaðan popp og balladur.
Bólkarnir, sum eru komnir víðari í finaluna eru:
- Brimhvítt (fólksligur poppur)
- Marius DC (hip hop)
- Joe & The Shitboys (punk)
- Tina (fólksligur poppur)
- Dóttir (singer songwriter)
- High Moon (modernaður poppur)
Les her um annað og triðja undanumfar í kappingini: Joe og Tina víðari til finaluna og High Moon trein út á almenna pallin og skein sum ein sól
Vinningar
Nummar 1,2 og 3 fáa studiotíð hjá Kristoffur Mørkøre og gávukort frá Simma Musikkhús.
Umframt hetta, so handar Reinsaríið heiðursbrævið "Spark í reyvina" til ein bólk, sum er óheftur av dómsnevndini. Og hesin bólkurin vinnur eisini studiotíð.
Dómarar og vertir
Til finaluna verða tríggir dómarar, og teir eru Teitur Lassen, Ári Rouch og Rannvá Helenudóttir. Trý fólk, sum hava drúgvar royndir innan tónleik og hava fingurin á pulsinum. Og verturin í ár er maðurin handan fleiri av størstu hittunum í Føroyum: Terji Rasmussen. Ein harri, sum er ein entertainari av rang, sum eisini hevur nøkur heilt serlig evnir til at fáa fólk at kenna seg væl.
Tiltakið byrjar klokkan 21.
Tað er Betri, sum letur vinningar til nummar 1, 2 og 3, meðan Koda Føroyar letur Spark í reyvina. Aðrir stuðlar eru Tórshavnar Kommuna, Simme Musikkhús og Føroya Bjór.
