Róðrarsambandið hevur sett samskipara
Nýggi samskiparin, sum býr á Skála, og fer at arbeiða 20 tímar um vikuna hjá RSF
rsf.fo
4. desember 2024 kl. 13:05
Nevndin í Róðrarsambandinum hevur samtykt at seta Kaysten Rasmussen í starv sum samskipara, 20 tímar um vikuna, hjá Róðrarsambandi Føroya.
Kaysten Rasmussen er 48 ára gamal og búsitandi á Skála. Kaysten hevur drúgvar leiðsluroyndir bæði innanfyri vinnulívið og ítróttin.
Kaysten fer at samskipa alt tað umsitingarliga á skrivstovuni hjá sambandinum, og annars at vera við til at føra tjóðarítrótt okkara longur fram á leið.
Kaysten byrjar í starvinum 1. januar 2025.
Tá fer skrivstovan at hava opið hesar dagar:
Týsdag 13 – 18
Hósdag 13 – 18
Annars ber til at ringja 267553 ella at senda teldupost til rsf@rsf.fo
